پنجاب کی 10 ڈویژن سے 2 لاکھ 5 ہزار 271 میٹرک ٹن گندم کی چیکنگ کی گئی،
184 گوداموں کی چیکنگ، 88 گندم سٹوریج گودام سیل، 75 ہزار 886 میٹرک ٹن گندم ضبط
ضبط شدہ گندم کے آٹے کو متعلقہ اضلاع کی مارکیٹ میں فروخت کیا جائے گا،ترجمان پرائس کنٹرول
گندم کی قلت کا بہانہ بنا کر مصنوعی مہنگائی کرنیوالے عناصر بے نقاب کیے جارہے ہیں، ترجمان پرائس کنٹرول
لاہور 7 ستمبر:وزیر اعلیٰ پنجاب کی ہدایت پر دن ہو یا رات، ناجائز ذخیرہ اندوزوں کیخلاف کریک ڈاؤن جاری ہے، پنجاب کی 10 ڈویژن سے 2 لاکھ 5 ہزار 271 میٹرک ٹن گندم کی چیکنگ کی گئی، کارروائیوں کے دوران 184 گوداموں کی چیکنگ، 88 گندم سٹوریج گودام سیل جبکہ 75 ہزار 886 میٹرک ٹن گندم ضبط کر لی گئی، ترجمان پرائس کنٹرول کے مطابق لاہور ڈویژن سے 31 ہزار 906 ، گوجرانولہ اور گجرات ڈویژن سے 9 ہزار 128، سرگودھا ڈویژن سے 1906 ، راولپنڈی 6 ہزار 498 جبکہ ساہیوال سے 5 ہزار 147 میٹرک ٹن گندم ضبط کی گئی، بہاولپور ڈویژن سے 1796 ، ڈی جی خان سے 4 ہزار 748 ، فیصل آباد سے 1618 اور ملتان ڈویژن سے 13 ہزار 139 میٹرک ٹن گندم برآمد کی گئی, ترجمان کا مزید بتانا تھا کہ ضبط شدہ گندم کے آٹے کو متعلقہ اضلاع کی مارکیٹ میں فروخت کیا جائے گا،فوڈ ڈائریکٹوریٹ ، ضلعی انتظامیہ اور پیرا کی جوائنٹ ایکشن ٹیمیں تمام اضلاع میں چھاپے مار رہی ہیں، تمام کارروائیوں کو محکمہ پرائس کنٹرول میں قائم خصوصی سیل سے مانیٹر کیا جارہا ہے، ترجمان نے واضح کیا کہ گندم کی قلت کا بہانہ بنا کر مصنوعی مہنگائی کرنیوالے عناصر بے نقاب کیے جارہے ہیں۔
