سیکرٹری پرائس کنٹرول اینڈ کماڈیٹیز مینجمنٹ ڈاکٹر احسان بھٹہ کی زیر صدارت اہم اجلاس
لائیو سٹاک اور پنجاب فوڈ اتھارٹی مشترکہ پلیٹ فارم کے تحت صوبہ بھر میں کارروائیاں کریں گے، ڈاکٹر احسان بھٹہ
وزیر اعلیٰ پنجاب کی ہدایت پر ملاوٹ شدہ دودھ کے خاتمے بارے کریک ڈاؤن شروع کیا جائے، سیکرٹری پرائس کنٹرول کی ہدایت
لاہور 13 اگست :سیکرٹری پرائس کنٹرول اینڈ کماڈیٹیز مینجمنٹ ڈاکٹر احسان بھٹہ کی زیر صدارت اہم اجلاس ہوا،ڈی جی پنجاب فوڈ اتھارٹی عاصم جاوید اور ڈی جی لائیو سٹاک ڈاکٹر محمد اشرف نے آپریشنل امور بارے آگاہ کیا، پنجاب میں میٹ اینڈ ملک ٹاسک فورس کے قیام اور روزانہ کی بنیاد پر رپورٹس مرتب کرنے کا فیصلہ کیا گیا ، لائیو سٹاک اور پنجاب فوڈ اتھارٹی مشترکہ پلیٹ فارم کے تحت صوبہ بھر میں کارروائیاں کریں گے، پنجاب فوڈ اتھارٹی نے ڈیری ڈویلپمنٹ،ملک پروڈکشن اینڈ فارم مینجمنٹ اور ایکسٹرنل کمیونی کیشن کمیٹیاں بھی تشکیل دے دی گئیں، سیکرٹری پرائس کنٹرول کا کہنا تھا کہ وزیر اعلیٰ پنجاب کی ہدایت پر ملاوٹ شدہ دودھ کے خاتمے بارے کریک ڈاؤن شروع کیا جائے، لائیو سٹاک اور فوڈ اتھارٹی کے افسران تمام اضلاع میں انٹیلیجنس بیسڈ آپریشن کریں گے، ڈاکٹر احسان بھٹہ نے بیمار، لاغر اور مردہ جانوروں کے گوشت کی فروخت کیخلاف بھی کارروائیوں میں تیزی لانے کی ہدایت کی ہے،لائیو سٹاک اور فوڈ اتھارٹی کے ضلعی افسران روزانہ کی بنیاد پر امور بارے کوآرڈی نیشن یقینی بنائیں گے، شہریوں کی صحت سے کھلواڑ کرنیوالے عناصر کیخلاف مقدمات درج کروائے جائیں، ایڈیشنل سیکرٹری ایڈمن ،اے ڈی جی آپریشنز پنجاب فوڈ اتھارٹی جبکہ تمام اضلاع کے افسران نے بذریعہ ویڈیو لنک اجلاس میں شرکت کی۔
