ٹھوکر نیاز بیگ، وحدت روڈ، میاں پلازہ جوہر ٹاؤن اور ٹاؤن شپ کے سہولت بازاروں کا دورہ
سہولت بازاروں میں لگوائے گئے اضافی سٹالز کو فوری ہٹوانے، راستے کشادہ رکھنے کی ہدایت
عام مارکیٹ سے نرخوں میں واضح کمی سے ہی عوام کو حقیقی سہولت میسر کی جاسکتی ہے، ڈاکٹر احسان بھٹہ
لاہور یکم جون: سیکرٹری پرائس کنٹرول اینڈ کماڈیٹیز مینجمنٹ ڈاکٹر احسان بھٹہ اتوار کے روز بھی متحرک رہے،
علی الصبح سبزی و فروٹ منڈیوں کے بعد لاہور کے سہولت بازاروں کے دورے کیے اور انتظامات کا تفصیلی جائزہ لیا،سہولت سٹالز پر موجود سبزیوں ، پھلوں کے معیار اور قیمتوں کا تقابلی جائزہ بھی لیا،ٹھوکر نیاز بیگ، وحدت روڈ، میاں پلازہ جوہر ٹاؤن اور ٹاؤن شپ کے سہولت بازاروں کا دورہ کیا، سیکرٹری پرائس کنٹرول نے سہولت بازاروں میں لگوائے گئے اضافی سٹالز کو فوری ہٹوانے اور راستے کشادہ رکھنے کی ہدایت کی، ان کا کہنا تھا کہ سکیورٹی اور مانیٹرنگ کے نظام پر کوئی کوتاہی نہ برتی جائے،عام مارکیٹ سے نرخوں میں واضح کمی سے ہی عوام کو حقیقی سہولت میسر کی جاسکتی ہے، وزیر اعلیٰ پنجاب کی ہدایت پر اشیاء ضروریہ کے نرخوں اور معیار پر کسی صورت سمجھوتہ نہ کیا جائے، سیکرٹری پرائس کنٹرول ڈاکٹر احسان بھٹہ نےفری ہوم ڈیلیوری بائیکس، شکایات اور مانیٹرنگ سیل کے سٹاف ہی حاضری اور ریکارڈ کو بھی چیک کیا۔گرمی کے پیش نظر تمام بازاروں میں پنکھوں اور صاف پانی کی فراہمی ممکن بنانے کی ہدایت کی۔
