سیکرٹری پرائس کنٹرول ڈاکٹر احسان بھٹہ کی زیر صدارت صوبہ بھر میں گراں فروشی کیخلاف موثر حکمت عملی کی تیاری
اجلاس میں پرائس کنٹرول مجسٹریٹس کی کارکردگی اور نامزدگی بارے سفارشات سے آگاہ کیا گیا،
کماڈیٹیز ریسرچ ونگ ،بنیادی اشیائے ضروریہ کی طلب و رسد اور نیٹ ورکنگ رپورٹس کا تمام اضلاع سے تبادلہ کرے گا، سیکرٹری پرائس کنٹرول
وزیر اعلیٰ پنجاب کی ہدایت پر تمام ونگز سے کوآرڈی نیشن یقینی بنانے کیلئے مشترکہ پلیٹ فارم جلد تشکیل دیا جائے گا، ڈاکٹر احسان بھٹہ
لاہور 22 جولائی: سیکرٹری پرائس کنٹرول ڈاکٹر احسان بھٹہ کی زیر صدارت صوبہ بھر میں گراں فروشی کیخلاف موثر حکمت عملی کی تیاری بارے اہم اجلاس ہوا، ڈی جی پیرا کیپٹن (ر) فرخ عتیق نے محکمانہ امور اور آپریشنز بارے تفصیلی بریفنگ دی،اجلاس میں پرائس کنٹرول مجسٹریٹس کی کارکردگی اور نامزدگی بارے سفارشات سے آگاہ کیا گیا، پرائس کنٹرول مجسٹریٹس کی تعیناتی سے قبل قوانین سے آگاہی اور تربیتی سیشن کروانے پر غور کیا گیا، شفاف انویسٹی گیشن اور نرخ ناموں کی اپ گریڈیشن بارے سفارشات کا بھی جائزہ لیا گیا،ڈی جی پیرا کیپٹن (ر) فرخ عتیق نے بتایا کہ اگست آخر تک پیرا ٹیمیں مکمل فعال، مانیٹرنگ کیلئے باڈی کیمروں سے لیس ہوں گی، پنجاب انفورسمنٹ ریگولیٹری اتھارٹی کے تحصیل اسٹیشن گراں فروشوں کیخلاف سرگرمیوں میں معاونت فراہم کریں گے، سیکرٹری پرائس کنٹرول ڈاکٹر احسان بھٹہ کا کہنا تھا کہ کماڈیٹیز ریسرچ ونگ ،بنیادی اشیائے ضروریہ کی طلب و رسد اور نیٹ ورکنگ رپورٹس کا تمام اضلاع سے تبادلہ کرے گا، وزیر اعلیٰ پنجاب کی ہدایت پر تمام ونگز سے کوآرڈی نیشن یقینی بنانے کیلئے مشترکہ پلیٹ فارم جلد تشکیل دیا جائے گا، ڈیجیٹل کوآرڈی نیشن سسٹم کی تشکیل سے تمام ادارے باہم منسلک اور کارکردگی بہتر ہوگی، اس موقع پر ایڈیشنل سیکرٹری ایڈمن، ایڈیشنل سیکرٹری کماڈیٹیز،ڈی جی کماڈیٹیز،ڈی جی فوڈ ،ڈی جی پامرا، اور دیگر افسران بھی شریک تھے۔
