یوم عاشور پر بھی گراں فروشوں کیخلاف صوبہ بھر میں کارروائیاں جاری

پنجاب بھر میں 2 لاکھ 25 ہزار سے زائد مقامات کی چیکنگ ، گراں فروشی پر 5634 افراد کو جرمانے عائد

4 افراد کیخلاف مقدمات درج،135 کو گرفتار کیا گیا، سیکرٹری پرائس کنٹرول

ضلعی انتظامیہ کو گراں فروشی کیخلاف زیرو ٹالرینس پالیسی اپنانے کی ہدایات جاری کی گئی ہیں، ڈاکٹر احسان بھٹہ

لاہور 7 جولائی : یوم عاشور پر بھی گراں فروشوں کیخلاف صوبہ بھر میں کارروائیاں جاری ہیں،پنجاب بھر میں 2 لاکھ 25 ہزار سے زائد مقامات کی چیکنگ کے دوران گراں فروشی پر 5634 افراد کو جرمانے عائد کیے گئے، 4 افراد کیخلاف مقدمات درج،135 کو گرفتار کیا گیا، سیکرٹری پرائس کنٹرول ڈاکٹر احسان بھٹہ کا کہنا تھا کہچکن کی قیمتوں بارے شکایات کیخلاف خصوصی کریک ڈاؤن کیا گیا، 10 ہزار 527 چکن شاپس کی چیکنگ کے دوران 365افراد کو گراں فروشی پر جرمانے جبکہ 2 افراد کیخلاف مقدمہ درج اور 10 کو موقع سے گرفتار کیا گیا، وزیر اعلیٰ پنجاب کی ہدایت پر تمام اضلاع میں پرائس کنٹرول مجسٹریٹس بھرپور کارروائیاں کر رہے ہیں، ڈاکٹر احسان بھٹہ نے واضح کیا کہ ضلعی انتظامیہ کو گراں فروشی کیخلاف زیرو ٹالرینس پالیسی اپنانے کی ہدایات جاری کی گئی ہیں۔