سیکرٹری پرائس کنٹرول کا ماہ نومبر تک کاچھا سبزی و فروٹ منڈی کو ماڈل بنانے کا انتباہ
صوبہ بھر کی منڈیوں میں مارکیٹ فیس وصولی کو آؤٹ سورس کرنے سے ریونیو میں نمایاں اضافہ
منڈیوں میں بولی کے اوقات میں سیکرٹری مارکیٹ کمیٹی کی بذریعہ جیو ٹیگنگ معہ تصاویر حاضری لازم ہوگی، سیکرٹری پرائس کنٹرول
محکمے کے ریونیو اہداف میں اضافے کیلئے آؤٹ سورسنگ ماڈل کا دائرہ کار وسیع کیا جائے، ڈاکٹر احسان بھٹہ
لاہور 4 جولائی: سیکرٹری پرائس کنٹرول ڈاکٹر احسان بھٹہ کی زیر صدارت پنجاب ایگریکلچرل مارکیٹنگ ریگولیٹری اتھارٹی میں اہم اجلاس ہوا،ڈی جی پامرا طارق بسرا نے محکمانہ امور اور جاری پراجیکٹس بارے تفصیلی بریفنگ دی،وزیر اعلیٰ پنجاب مریم نواز کی ہدایت پر سبزی و فروٹ منڈیوں میں ڈیجیٹل سسٹم کا نفاذ یقینی بنایا جائے گا،سیکرٹری پرائس کنٹرول نے ماہ نومبر تک کاچھا سبزی و فروٹ منڈی کو ماڈل بنانے کا انتباہ جاری کردیا، منڈی میں صفائی ستھرائی کے انتظامات ایل ڈبلیو ایم سی کے سپرد کر دیے گئے ہیں،سیکرٹری پرائس کنٹرول کا کہنا تھا کہ منڈیوں میں بولی کے اوقات میں سیکرٹری مارکیٹ کمیٹی کی بذریعہ جیو ٹیگنگ معہ تصاویر حاضری لازم ہوگی، صوبہ بھر کی منڈیوں میں مارکیٹ فیس وصولی کو آؤٹ سورس کرنے سے ریونیو میں نمایاں اضافہ ہوا ہے،محکمے کے ریونیو اہداف میں اضافے کیلئے آؤٹ سورسنگ ماڈل کا دائرہ کار وسیع کیا جائے، سیکرٹری پرائس کنٹرول کا مارکیٹ نے کمیٹیوں کے سالانہ اہداف پورے نہ ہونے پر سخت کارروائی کا عندیہ دیا ہے، انہوں نے واضح کیا کہ منڈیوں میں صفائی، نکاسی آب، صاف پانی اور بجلی کی فراہمی ترجیحی بنیادوں پر کی جائے، افسران اور عملے کی استعداد کار میں اضافے کیلئے پیام کو ٹریننگ ماڈیولز فوری تیار کرنے کی بھی ہدایات دیں،محکمے کے زیر انتظام تمام اتھارٹیز ڈیجیٹل ڈیٹا بیس اور کوآرڈی نیشن یقینی بنائیں گے، ایڈیشنل سیکرٹری ایڈمن، ڈائریکٹر پامرا،ڈائریکٹر ای اینڈ ایم اور دیگر افسران شریک تھے۔
