وزیر اعلیٰ پنجاب کی ہدایت پر غیر قانونی ذخیرہ اندوزی کیخلاف جاری مہم کے نتائج سامنے آنا شروع
فوڈ ڈائریکٹوریٹ پنجاب،پیرا اور ضلعی انتظامیہ کی 1452 مقامات پر مشترکہ کارروائیاں
گزشتہ 24 گھنٹوں کے دوران عام مارکیٹ میں 6 لاکھ 97 ہزار آٹا تھیلے فراہم، سیکرٹری پرائس کنٹرول
اب تک 1 لاکھ 84 ہزار 191 میٹرک ٹن چھپائے گئے گندم کے ذخائر برآمد، ڈاکٹر کرن خورشید
لاہور 13 ستمبر:وزیر اعلیٰ پنجاب کی ہدایت پر غیر قانونی ذخیرہ اندوزی کیخلاف جاری مہم کے نتائج سامنے آنا شروع ہوگئے ہیں، سیکرٹری پرائس کنٹرول ڈاکٹر کرن خورشید کی ہدایت پر آٹا سپلائی میں واضح اضافہ ریکارڈ کیا گیا یے،گزشتہ 24 گھنٹوں کے دوران عام مارکیٹ میں 6 لاکھ 97 ہزار آٹا تھیلے فراہم کیے گئے،گزشتہ 2 روز میں 11 لاکھ 84 ہزار آٹا تھیلے صوبہ بھر میں فراہم کیے جا چکے ہیں، ترجمان کے مطابق اب تک 1 لاکھ 84 ہزار 191 میٹرک ٹن چھپائے گئے گندم کے ذخائر برآمد کیے جاچکے ہیں،فوڈ ڈائریکٹوریٹ پنجاب،پیرا اور ضلعی انتظامیہ نے 1452مقامات پر مشترکہ کارروائیاں کیں،مختلف اضلاع میں گراں فروشی کیلئے چھپائی گئی 5 لاکھ 59 ہزار 487 میٹرک ٹن گندم مارکیٹ میں فراہم کی گئی، سیکرٹری پرائس کنٹرول کا کہنا تھا کہ گندم اور آٹے کا مصنوعی بحران پیدا کرنے والوں کے ساتھ زیرو ٹالرنس پالیسی اپنائی جارہی ہے، آٹے کی سرکاری نرخوں پر دستیابی ہر صورت یقینی بنائی جارہی ہے۔
